САРЫ-КОЛ: Мектеп мугалимдеринин арасында волейбол мелдеши болуп өттү (сүрөт)

Үстүбүздөгү жылдын 7,8- сентябрь күндөрү Таджикистан Республикасынын эгемендүүлүгүнүн 28 жылдыгына карата Мургаб районунун Токтомуш айылындагы Токтогул Сатылганов атындагы №2 жалпы орто билим берүү мектебинин базасында мугалимдер арасында волейбол боюнча 3-чү спорттук мелдеши болуп өттү. Мелдешти билим берүү бөлүмү уюштурду. Спорттун негизги максаты мугалимдер арасында ынтымакты, достукту чыңдап, окуучуларды спортту сүйүүгө үндөө болду.

 

 

Мелдешке жалпы 7 мектептен мугалимдер катышып, өздөрүнүн спорттук даярдыктарын көрсөтүштү. Жыйынтыгында: Үчүнчү орунду № 2 Токтогул Сатылганов атындагы жалпы билим берүү мектебинин мугалимдери, экинчи орунду А. Ахмедшарипов атындагы №1 мектебинин мугалимдери, ал эми биринчи орунду С. Конокбаев атындагы №5 жалпы орто билим берүү мектебинин мугалимдери ээлешти. Алдынкы орунду ээлген командаларга баалуу белектер жана грамоталар ыйгарылды.

 

Уюштуруучулар Сатаркулов Султанбекке жана Токтогул Сатылганов атындагы №2 мектебинин эмгек жамаатына чоң ыраазычылык билдирем.

 

Байгелүү орунду ээлеген №5 мектептин мугалимдерин чын жүрөктөн куттуктаймын!

 

Мургаб району Токтомуш айылы

Беркмамадова Мария

www.sary-kol.ru