|
Айылым Айылым менин аппак тоолор курчаган. Бейпил турмуш,берекеси төгүлгөн. Айланайын алтын бешик айылым. Көз жүгүртүп мен өзүңө суктанам.
Бул айылда калды менин издерим, Балалыгым, өттү жаштык кездерим. Бул айылдан канат күүлөп талпынып, Мен эмгектин даңгыр жолун издедим.
Бул айылдан таптым сүйүү сезимди, Бул айылдан кезиктирдим теңимди. Эң биринчи наристемди колго алып, Сенден сездим ата- энедей мээримди.
Турмуш деген ушундай татаал экен. Айылым алыстамын узап сенден. Сагынам мемиреген тоолоруңду, Элимдин эсендигин тилеп келем.
|
Мезгил күчтүү Артымды мен бир кылчая карасам, Өтүптүр го кайран өмүр саналып. Мунарыктап тээ алыстан бозорот, Жаштыгымдын бүлбүлдөгөн карааны.
Кечээ эле так секирген улактай, Жүрчү элек ойноп-күлүп кылактай. Кечээ эле жигит сүйүп,кыз жандап, Жаш элек го оргуп аккан булактай.
Ал мезгилди издейбиз биз табалбай, Же бир кайтып ал мезгилге бара албай. Кылчактайбыз,жалооруйбуз аттиң ай, Өкүнөбүз каарылыкты жеңе албай.
Мургаб району Аличор айылы |
А.Примбердиев