Алыскы Нарындан салам

Тянь-Шандык балаңдан

Көп жыл болду көнгөн жерим Мургабым

Көксөсөм да көрүшүүгө барбадым

Көз алдыма экрандай тартылат

Көөнүм куунак сенде өткөн жылдарым

Ошондуктан оюмдан эч чыгарбай

Ойлоп келем эң биринчи балаңдай

Он күндө бир барар элем сабалап

О чиркинай болсом эмне жагадмай

Карегиме күч келтирип кээде мен

Кабарыңды сурамжылап билгенден

Карааныңды бир көрүүгөзар болуп

Качанкылар ойго түшүп телмирем

Өскөндүрсүң мурункудан тааныбай

Өнөр билим жуурулушуп камырдай

Өсө бергин гүлдөй бергин дагы да

Өрт чыгарган шум согушка кабылбай

Өткөн менен далай мезгил арадан

Өзү сүйгөн элин самап ар адам

Өмүр бою өтөт окшойт сагынып

Ушул ыр Тянь-Шандык балаңдан

Тууган эл-жериме

Турганымда жоогазындай гүл байлап,

Агай болуп барган элем туз айдап.

Калганымда элүү жаштан эңкейип,

Тянь-Шандан үн созомун атайлап.

Ойлой калсам күч кубатым артылап,

Көнгөн жерим көз алдыма тартылып.

Сүйгөн элим жүрөгүмдү туйлатат,

Жаш кылгыртып жүргөн кусам катылып.

Себеби бул-сенден сулуу сүйгөнмүн,

Тоңсоң тонуп, ысыгыңа күйгөнмүн.

Жеңилиңди жерден алып жерибей,

Оор жүгүңдү колдон алып үйгөнмүн.

Ошондуктан сени өзгө теңебей,

Эң биринчи тосуп өпкөн энемдей.

Элесиңди мазар тутуп келемин,

Сагынычым-кайнар булак чеңебей.

Келгин болсом кетер элем токтолбой,

Журө албадым күкүк болуп жоктобой.

Бирок тагдыр чиеленген тушамыш,

Күндөр барат өткөн күнгө окшобой.

Кош бол эми, түтөгөндөн не пайда,

Заманыңды сен да өзгөртүп кур кайра!

Салам айтат замандашың нарындык,

Ала-Мышык, сиңгир чоку, чоң дайра!