Көз жаштар каректерден акбаса дейм...

                    Карек

Көз жаштар каректерден акбаса дейм,
Кайгы мунга каректер батбаса дейм.
Кыйналып ал каректер кыштагыдай,
Кирпиктер тонгон муздай катбаса дейм.

Жаш каректен мөнгү суудай акбаса дейм,
Жашып ыйлап жалгыз жанга батбаса дейм.
Жайда төккөн нөшөр жамгыр сыяктуу,
Жаап карек сел сыяктуу акбаса дейм.

Сабырсыз каректер талбаса дейм,
Санаага чөгүп ыйлап калбаса дейм,
Сабалып күздө түшкөн жалбырактай,
Саргайып сапырылып калбаса дейм.

            Сары-кол

Көк асман челип нурланган,
Кылымдар бою куралган.
Мөнгүдөн аккан булактар,
Көргөн жан баары суктанган.

Жүзүндө гүлдөр жайнаган,
Тоолордо улар сайраган.
Аркар, кулжа, эчкилер,
Топтошуп тоодо жайнаган.

Аралап чөптүн түрлөрүн,
Терип ал даары гүлдөрүн.
Суктанып Сары-кол көркүнө,
Өткүлө кенен төрүнө!