Кумдарың алтын сууларың каухар
Сенчелик кандай кай жерде жер бар.
Тоолорун жакут жандыгың аркар
Кай жерге сени ким тенеп айтар.
Таптаза абаң кантип сын тагам
Сары-кол жерим бейиштен ашкан.
Уларың сайрайт булбулдан калбайт
Дарыяң толо, каухарлар жайнайт.
Асканда илбирс, асманда шумкар
Ак калпак кыргыз мекендеп турар.
Бул ааламда жок жыпар жыт чачкан.
Сары кол жерим бейиштен ашкан.
Тоолоруңда аркар жайылып жаткан
Артынан мерген кубалап аткан.
Өзөнүң толо кой менен топоз
Тамшанбас сага бир да жан болбос.
Сайыңда сүттөр шагырап аккан.
Майына адам мас болуп жаткан.
Мераж Теитбаев