Ош облусунун Алай районуна памирлик 9 үй-бүлө көчүп келди. Бул маалыматты Сары-Могол айыл өкмөтүнүн башчысы Рахматилла Саитов тастыктады.
9 үй-бүлө кечээ, 23-декабрь күнү Алай районунун Сары-Могол айыл өкмөтүнүн Сары-Могол айылына көчүп келишкен. Алар Х.Алимсеитов орто мектебинин эски имаратына жайгаштырылды.
«Буга чейин биздин айылга памирлик 2 үй-бүлө көчүп келген. Кечээ дагы 49 адам көчүп келди. Учурда жыл аяктап калгандыктан аларга бюджеттен акча каралган эмес. Ар тараптан берилген жардам менен жашап турушат», - деди Р.Саитов.
 |
 |
Сүрөттөр Мирбек Үметалиевге таандык