27 жаштагы Атилла Гүвен Түркиянын Ван шаарында төрөлгөн. Азыр Манас университетинде 2-курстун студенти. 1930-жылдары анын чоң аталары Чоң Алайдан Ооганстанга көчүп кетишкен.
1978-жылы орустар Ооганстанга кирип келгенде Рахманкулхан менен бирге Түркияга карай жөнөп, 1982-жылы Ван шаарына жайгашып калышкан экен.
Бул тарыхты ал чоң энесинен угуп, Кыргызстанды көрүүгө зар болуп жүрүп, 2012-жылы Бишкекке Манас университетине окууга келген.
Ал бул жактан туугандарын тапты, өлкөнүн баардык дубандарын кыдырып чыкты. Азыр кыргыз балдарына акысыз түрк тилин үйрөтүп жатат. Атилла Кыргызстанда калгысы келет.
