Мургаб районунун жамааттарынын төрагалары

Тажикстан мамлекети Эгемендүү болгонуна 30 жылга кадам таштап, ушул жылдар ичинде Өлкөбүз ийгиликтерге жетишип өлкөбүздө көптөгөн ири курулуштар курулуп, ишканалар ишке кирип кандай гана өнүгүү Өлкөбүздө болбосун анын жетишкенине сиздер менен бирге күбө болуп келебиз. Бул жетишкендиктерге Улут Ажосу, тынчтыкты жана улуттук биримдиктин негиздөөчүсү өлкө Президенти Эмомали Рахмондун салымы өтө чоң десем жаңылбаймын. Буга мисал: Республикабызда ири объектидеги Рогун ГЭСи, Тунелдер, авто жолдору, социалдык объектилер, мамлекеттик имараттар, ошондой эле эң алыскы Өлкөбүздүн бурчунда жайгашкан Мургаб районубузда “Тажикстан” (Ак-суу) ГЭСи, административдик имараттар, Аличур жамаатындагы Базардарда аймагына Күмүш цехи жана башка социалдык курулуштар бүттү.

Тажикстан Республикасынын эгемендүүлүгүнүн 30 жылдык юбилейин белгилөөдө даярдык иштери Республиканын бардык аймактарында жана районубузда да жүрүүдө. Анын ичинде, «Сарыкол» гезитибиз да сыртта калбастан, Улут ажосу улуу урматтуу Президентибиздин, Өкмөтүбүздүн жана районубуздун коомдук-саясий, социалдык-маданий жаңылыктарын чагылдырып келет. Өлкөбүздүн жана районубуздун жетишкендиктерине, райондун башында турган төрагалардын да чоң салымдары менен районубуздун жамааттарынын (суу-суунун) төрагаларынын да албетте са- лымдары болот эмеспи, себеби ар бир жамааттын социалдык-экономикалык абалын жакшыртууга аракеттерди жумшап келет.

Районубузда акыркы жылдары жазуучуларыбыз тарабынан райондун тарыхын, белгилүү жетекчилерин чагылдырып жазып келе жаткандары акыйкаттан бизди кубандырбай койбойт, себеби тарыхыбыз муундан муунга калат эмеспи. Мына ошондой эле райондун суу-суусун башкарып келген кыштак (советинин) жамааттарынын төрагаларынын тизмелерин “Сарыкол” газетасына чагылдырууга туура келди. Жамаат төрагалары жамааттарда эл башкарып, төрагалык милдеттерди өтөп, жамаатын социалдык абалын жакшыртууга өз салымдарыны жумшап келишкен.

Ошондуктан, сиздердин назарыңыздарга Мургаб районубуздагы (суу-суунун) жамааттарында төрагалык милдеттерин аткарып элди башкарып келген төрагаларынын тизмеси газетага чагылдырылды. Бул тизме үстүбүздөгү 2020 жылдан башталып “Сарыкол” газетасында архивдик материал болуп калат. Тизмедеги жамаат башчылары жөнүндө маалымат болсо: өмүр баяны, аты-жөнү, иштеген жылдары сүрөттөр жана башка маалыматтарды, билдирүүлөрдү бөлүшүүнү суранабыз. “Сарыкол” газетасына билдирсеңиздер болот.

Жамаат төрагаларынан Мамлекеттик сыйлыктар менен Гаипназаров Арзы дүрбү жана тапанча, Акжаров Исираил “Ленин” ордени, Камчыбеков Көкөнбек, “Дусти” ордени Абдыкадыров Эркин “Шоиста” медалы жана Кенжекулова Жамила “Дусти” орден менен сыйланышкан. Маалыматтын аздыгынан калган жамаат төрагаларынын сыйлыктары, ошондой эле Ыраң-көл жана Кара-Көл жаматынын кээ бир төрагаларынын иштеген жылдары камтылбады.

Мургаб районунун жамааттарында эл башкарып келген төрагалар