Бала кез тоону, ташты койбой чуркап,
Басчы элек жетелешип кошо ырдап.
Бах чиркин, өкүнгөндөн эмне пайда,
Байкоосуз өтүп кеткен айлап-жылдап.
Картайып чачтар буурул, бет тырышпай,
Каап жаштык бир орундан жылбас болсо.
Кыркта да жаш баладай бир кулпуруп, 
Жаш жүрөк жагалданып кайра толсо.
Бала кез жылдыз жаңы көрүнгөндөй,
Байкабай өткөрүпмүн көңүл бөлбөй.
Ааламда кымбат нерсе бар бекен дейм,
Зымырап өтүп жаткан өмүрлөрдөй.
Халил Мурзахматов
Мургаб району